මත්තල රාජපක්ෂ ජාත්යන්තර ගුවන්තොටුපළ සම්බන්ධයෙන් අමාත්ය මණ්ඩලය තීරණයක් ගෙන ඇත.
ඒ අනුව මත්තල රාජපක්ෂ ජාත්යන්තර ගුවන්තොටුපොළ සඳහා අපගමන බද්දට අදාළව ප්රදානය කර ඇති සහන කාලය දීර්ඝ කිරීමට අමාත්ය මණ්ඩල අනුමැතිය හිමිව ඇත.
මත්තල ජාත්යන්තර ගුවන්තොටුපොළ වෙත නිශ්චිත කාලසටහන් ගත ගමන් වාර ක්රියාත්මක කරනු ලබන ගුවන් සේවා අපගමන බද්දෙන් නිදහස් කරනු ලැබ ඇත.
එම බදු සහනය යටතේ ඇතැම් ගුවන්සේවා විසින් මේ වන විටත් එම ගුවන්තොටුපොළ වෙත සහ ඉන් පිටතට නිශ්චිත ගුවන් ගමන් වාර සහිතව ජාත්යන්තර ගුවන් ගමන් ක්රියාත්මක කර ඇත.
ඇතැම් ගුවන් සේවා එම ගුවන්තොටුපොළ වෙත ගුවන් ගමන් මෙහෙයුම් ක්රියාත්මක කිරීම සඳහා සිය අභිලාෂය ප්රකාශ කර ඇත.
බදු සහනය තවදුරටත් පවත්වාගෙන යාම මඟින් තරගකාරීත්වය ඉහළ නැංවීම හරහා එම ගුවන්තොටු පොළ වෙත නව නිශ්චිත ජාත්යන්තර ගුවන් සේවා ආකර්ශනය කර ගැනීමට හා පවතින ජාත්යන්තර ගුවන් ගමන් මෙහෙයුම් අඛණ්ඩව පවත්වාගෙන යාමට හැකි වනු ඇතැයි අපේක්ෂා කරයි.
දැනට ක්රියාත්මක වන අපගමන බදු නිදහස් කාලසීමාව 2027-06-26 දින දක්වා තවදුරටත් දීර්ඝ කිරීමට ප්රවාහන, මහාමාර්ග, වරාය සහ සිවිල් ගුවන් සේවා අමාත්ය බිමල් රත්නායක විසින් ඉදිරිපත් කළ යෝජනාවට අමාත්ය මණ්ඩල අනුමැතිය හිමිව ඇත.
