ලග්ගල රිවස්ටන් තෙල්ගමුව ඔය ආසන්නයේදී වෑන් රථයක් ප්‍රපාතයට පෙරළී එක් අයකු මියගොස් ඇත. 6 දෙනකු බරපතළ තුවාල ලබා ලග්ගල දිසා රෝහලට හා මාතලේ දිස්ත්‍රික් රෝහලට ඇතුළත් කර සිටිති.
ගාල්ල ප්‍රදේශයේ සිට නකල්ස් රිවස්ටන් නැරඹීමට පැමිණි පිරිසක් රැගත් වෑන් රථය අඩි හැටක පමණ ප්‍රපාතයකට පෙරළී අනතුර සිදුවී ඇත. අනතුරින් මියගිය සහ තුවාල ලැබූවන් වයස අවුරුදු 40-45 අතර වයසේ බව ලග්ගල පොලිසිය පවසයි.
ඊයේ (15දා) සවස 3.30 ට පමණ අනතුර සිදුවී ඇත. අනතුර පිළිබඳ විමර්ශන ලග්ගල පොලිස්ථානාධිපති ප්‍ර.පො.ප. ධම්මික පද්මරාජ් මහතා ඇතුළු කණ්ඩායමක් විසින් සිදු කරනු ලැබේ.
නාඋල – නිමල් කණහැරආරච්චි සහ මාතලේ විශේෂ – නිමල් ගුණතිලක
