ඉරානයට එරෙහි ප්රහාරයකදී ඇමෙරිකානු හමුදාව සමඟ එක්ව කටයුතු කිරීමට ඊශ්රායල ආරක්ෂක හමුදාව සූදානමින් පසුවන බව එරට අගමැති බෙන්ජමින් නෙදන්යාහු, ආරක්ෂක අමාත්ය ඊශ්රායල් කැට්ස් සහ මාණ්ඩලික ප්රධානී ලුතිනන් ජෙනරාල් ඊයල් සමීර් ප්රකාශ කර තිබේ.
ඇමෙරිකාව සහ ඉරානය අතර ගැටුම් උත්සන්න වී පැවතියද, ඊශ්රායල හමුදාව මේ දක්වා ඊට සෘජුව සම්බන්ධ වී නොමැත. කෙසේ වෙතත්, ඊශ්රායල ගුවන් නියමුවන්ගේ උපාධි ප්රධානෝත්සවයකදී අගමැති නෙදන්යාහු ඇතුළු ඉහළ පෙළේ ආරක්ෂක නිලධාරීන් මෙම සූදානම පිළිබඳව අදහස් පළ කර ඇත.
ඉරාන ගැටුම තවමත් අවසන් වී නොමැති බවත්, ඉරානයට එරෙහිව වඩාත් තීරණාත්මක මෙහෙයුම් ඉදිරියේදී දියත් කිරීමට නියමිත බවත් මාණ්ඩලික ප්රධානී ලුතිනන් ජෙනරාල් ඊයල් සමීර් එහිදී ගුවන් නියමුවන් අමතමින් අවධාරණය කළේය. ඒ සඳහා සූදානමින් සිටින ලෙස ඔහු සියලුම හමුදා සාමාජිකයින්ට දැනුම් දී ඇත.
