හිටපු කතානායක සහ පාර්ලිමේන්තු මන්ත්රී අශෝක රන්වල මහතා ඊයේ සවස පදවාගෙන ගිය මෝටර් රථයක් හදිසි අනතුරකට ලක්වීමෙන් තුවාල ලැබූ පවුලේ තිදෙනෙකු රෝහල් ගත කර ඇති බව නියෝජ්ය අමාත්ය මහින්ද ජයසිංහ මහතා තහවුරු කරයි.
මෙය හිතාමතා සිදුකළ ක්රියාවක් නොව අහම්බෙන් සිදු වූ 'ඇක්සිඩන්ට්' එකක් බවත්, තමන් මෙම සිදුවීම සම්බන්ධයෙන් කණගාටු වන බවත් අමාත්යවරයා පැවසීය.
ජයසිංහ මහතා සඳහන් කළේ, මෙම අනතුරට ලක්වීම හේතුවෙන් අශෝක රන්වල මහතා ද මේ වනවිට රෝහල් ගතව ප්රතිකාර ලබන බවයි.
අනතුරට පත් වූ පවුලේ සාමාජිකයන් වන දරුවා, දරුවාගේ මව සහ අනෙකුත් අයට අවශ්ය කරන ප්රතිකාර ලබා දීම සඳහා තමන් ඇතුළු පක්ෂයේ ඇමතිවරුන් සහ මන්ත්රීවරුන් මැදිහත් වෙමින් සොයා බලමින් සිටින බව ඔහු පැවසීය.
මෙම හදිසි අනතුරට අදාළව නීතිය ක්රියාත්මක කිරීම සඳහා පොලිසියට විධිමත් ලෙස උපදෙස් ලබා දී ඇති බව නියෝජ්ය අමාත්යවරයා පෙන්වා දුන්නේය.
සමාජ මාධ්ය ඇතුළු ඇතැම් මාධ්ය හරහා මෙම සිදුවීම සම්බන්ධයෙන් වැරදි සහ ව්යාජ තොරතුරු සමාජගත කිරීමට උත්සාහ කරමින් තිබෙන බවට ඔහු චෝදනා කළේය.
විශේෂයෙන්ම, රන්වල මහතා මත්පැන් පානය කර රථය ධාවනය කළ බවට පැතිර යන වාර්තා "සම්පූර්ණ අසත්යයක්" බව ජයසිංහ මහතා අවධාරණය කළේය.
අවශ්ය නම් ඒ පිළිබඳ නීත්යානුකූලව සොයා බැලීමට පොලිසියට හැකි බව ද ඔහු වැඩිදුරටත් කියා සිටියේය.
"මේක හිතාමතා කරපු එකක් නෙවෙයි. ඇක්සිඩන්ට් එකක් අහම්බයක්," යනුවෙන් නියෝජ්ය අමාත්යවරයා ප්රකාශ කළේය
