දේශපාලනඥයන් ඇතුළු විවිධ තරාතිරම්වල ප්රභූවරුන් මහවැලි ගඟ දෙපස (මහනුවර ප්රදේශයේ) නිසි අනවසරයෙන් තොරව පවත්වාගෙන යන හෝටල් සහ සංචාරක අවන්හල් දෙසීයකට වැඩි සංඛ්යාවක් පිළිබඳව පරිසර අංශවල විශේෂ අවධානය යොමුව ඇත.
මෙම ඉදිකිරීම් බොහොමයක් කර ඇත්තේ ජාතික ගොඩනැගිලි පර්යේෂණ සංවිධානයේ හෝ මධ්යම පරිසර අධිකාරියේ කිසිදු අනුමැතියකින් තොරව බව ආරංචි මාර්ග සඳහන් කළේය.
ගඟ දෙපස ඉදිකර ඇති හෝටල් සහ අවන්හල් හේතුවෙන් ජලය බැස යෑමට දැඩි බලපෑම් එල්ලවී තිබෙන බව වාර්තාවේ.
මේ අතර මහනුවර ප්රදේශයේ ජාතික ගොඩනැගිලි පර්යේෂණ සංවිධානයේ සහ මධ්යම පරිසර අධිකාරියේ ප්රමිතීන්ට අනුව නිවාස ඇතුළු ඉදිකිරීම් කිසිවක් නායයෑමට ලක්ව නැති බව පරිසර සංවිධාන ආරංචි මාර්ග ප්රකාශ කළේය.
එම සංවිධානවල ප්රමිතීන්ට අනුව ඉදිකෙරුණු නිවාස අැති හන්තාන කන්ද බහිරවකන්ද, අනීවත්ත, වැව රවුම යන ප්රදේශවල කිසිදු නාය යෑමක් සිදුවී නැතැයි පෙන්වා දෙන පරිසර නිලධාරීහු නාය හානි වැඩි වශයෙන් සිදුවී ඇත්තේ ජාතික ගොඩනැගිලි පර්යේෂණ සංවිධානයේ සහ මධ්යම පරිසර අධිකාරියේ ප්රමිතීන්ට අනුකූල නොවන ආකාරයට ඉදිකර ඇති පහළ මධ්යම පාන්තික ජනතාවගේ නිවාසවලට බව අනාවරණය කරති.
‘එල්’ ආකාරයට කඳු කපා ආරක්ෂිත කණු සකස් නොකර එම පිරිස් අවිධිමත් ලෙස නිවස ඉදිකර ඇති බව විමර්ශනවලදී පෙනී ගොස් ඇත.
(සුජිත් හේවාජුලිගේ)
