gossip lanka news line gossip lanka news line gossip lanka news line gossip lanka news line gossip lanka news line
gossip lanka
gossip lanka gossip lanka gossip lanka

කොත්මලේ ආසන්නයේ බරපතළ නායයෑමක්

කොත්මලේ, රම්බඩගම ආසන්නයේ නායයෑමක් සිදුව ඇතැයි වාර්තා වේ. මෙම නායයෑම පසුගිය 27 වනදා රාත්‍රීයේ සහ ඊයේ (28) දින පාන්දර වනවිට සිදුව ඇතැයි එම ස්ථානයේ නිවසක සිටින පුද්ගලයෙකු විසින් අනාවරණය කළේය.

කෙසේවෙතත් නුවරඑළිය - පූඬළුඔය මාර්ග දෙක අතර රම්බඩගම ගම්මානය මැද කොටස මෙලෙස නායගොස් ඇතැයි අනාවරණය වුණි.

එම ස්ථානයේ නායයෑම හේතුවෙන් මියගිය පුද්ගලයින්ගේ සිරුරු පවා ඇති අතර, ඒවා ඉවත් කිරීමට හෝ තුවාලකරුවන් රෝහල්ගත කිරීමට නොහැකිව ප්‍රදේශවාසීන් දැඩි අසීරුතාවයකට පත්ව ඇති බව අද දෙරණට වාර්තා වුණි.

කෙසේවෙතත් මේ වනවිටත් එම ප්‍රදේශයට විදුලිය නොමැති අතර, දුරකථන සංඥා සියල්ල ක්‍රියා විරහිත වී ඇත.

පුද්ගලයින් 50කට ආසන්න සංඛ්‍යාවක් එම නායයෑම හේතුවෙන් එම ස්ථානයේ සිරවී ඇති අතර, අවට ජනතාව මුදාගැනීමට කඩිනමින් අවශ්‍ය පියවර සකස් කර දෙන ලෙස එම ස්ථානයේ විපතට පත් ජනතාවගේ ඥාතීන් රජයෙන් ඉල්ලා සිටී.

එම ස්ථානයට ළඟා වීම සම්පූර්ණයෙන්ම අවහිර වී ඇති අතර, ආපදා සහන කණ්ඩායම් කිසිවෙකු මේ වන තෙක් අදාළ ස්ථානයට ළඟා වී නොමැති බව ද වාර්තා වේ.

අද දෙරණ පොලිස් මාධ්‍ය ප්‍රකාශක කාර්යාලයෙන් කළ විමසීමකදී ඔවුන් සඳහන් කර සිටියේ, නායයෑම් පිළිබඳ තොරතුරු වාර්තා වුවත් ඒ පිළිබඳ නිශ්චිත කරුණු අනාවරණය කරගැනීමට මෙතෙක් නොහැකි වී ඇති බවය.

සන්නිවේදන සබඳතා බිඳවැටීම හේතුවෙන් මේ පිළිබඳ තොරතුරු ලබාගැනීම අසීරු වන බව ද පොලීසිය සඳහන් කරයි.
gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka