පිලිපීන දකුණු මුහුදේ සිකුරාදා උදෑසන 7.4 ක තීව්රතාවකින් යුතු ප්රබල භූ කම්පනයක් සිදුව ඇති අතර, ඒ හේතුවෙන් ආසන්න ප්රදේශවලට අනතුරුදායක සුනාමි තත්ත්වයක් ඇතිවීමේ අවදානමක් පවතින බව වාර්තා වේ.
පිලිපීනයේ ගිනිකඳු විද්යාව සහ භූ කම්පන විද්යා ආයතනය පැවසුවේ මෙම භූ කම්පනයෙන් හානි හා පසුවිපරම් භූ කම්පන අපේක්ෂා කරන බවයි.
භූ කම්පනයේ කේන්ද්රය දාවෝ ඔරියන්ටල් පළාතේ මානායි නගරයේ සිට කිලෝමීටර් 62 ක් පමණ ගිනිකොන දෙසින් මුහුදේ පිහිටා තිබූ අතර, එය කිලෝමීටර් 10 ක නොගැඹුරු ගැඹුරකින් වූ භූ තල චලනයක් හේතුවෙන් සිදුව ඇති බව එම ආයතනය සඳහන් කළේය.
හොනොලුලු හි පිහිටි පැසිෆික් සුනාමි අනතුරු ඇඟවීමේ මධ්යස්ථානය ප්රකාශ කළේ භූ කම්පන කේන්ද්රයේ සිට කිලෝමීටර් 300 ක් ඇතුළත අනතුරුදායක රැළි ඇති වීමේ අවදානමක් පවතින බවයි.
එම මධ්යස්ථානය වැඩිදුරටත් සඳහන් කළේ, භූ කම්පන කේන්ද්රයට ආසන්න පිලිපීන වෙරළ තීරයන්හි සාමාන්ය වඩදිය මට්ටමට වඩා මීටර් 3 ක් (අඩි 10 ක්) දක්වා උස රැළි ඇති විය හැකි බවයි. එමෙන්ම, ඉන්දුනීසියාවේ සහ පලාවු රාජ්යයේ කුඩා සුනාමි රැළි ඇති වීමේ අවදානමක් ද පවතින බව වාර්තා වේ.
