අලව්ව ප්‍රදේශයේදී හෙරොයින් ළඟ තබාගැනීම සම්බන්ධයෙන් මාතලේ කොට්ඨාශ අපරාධ විමර්ශන ඒකකය විසින් භික්ෂුවක් සහ තවත් පුද්ගලයන් දෙදෙනෙකු අත්අඩංගුවට ගෙන තිබේ.
පොලිසියට අනුව, 38 හැවිරිදි මෙම භික්ෂුව අලව්ව පොලිස් කොට්ඨාශය තුළ පිහිටි විහාරස්ථානයක පදිංචිව සිට ඇත.
අත්අඩංගුවට ගන්නා අවස්ථාවේ දී, භික්ෂුව සතුව හෙරොයින් ග්‍රෑම් 10.3 ක් තිබී සොයාගෙන තිබේ.
වයස අවුරුදු 29 සහ 31 ක් වන අනෙක් සැකකරුවන් දෙදෙනා සතුව ද හෙරොයින් ග්‍රෑම් 17 ක් තිබී සොයාගෙන ඇත.
සැකකරුවන් තිදෙනා ඊයේ (17) පොල්ගහවෙල මහේස්ත්‍රාත් අධිකරණයට ඉදිරිපත් කරන ලද අතර, වැඩිදුර ප්‍රශ්න කිරීම සඳහා දින 7 ක් රඳවා තබාගැනීමට පොලිසියට අවසර ලැබිණි.
සැකකරුවන් මිනුවන්ගොඩ ‘නේවි දිනේෂ්’ නමින් හැඳින්වෙන පුද්ගලයකු විසින් මෙහෙයවනු ලබන මත්ද්‍රව්‍ය ජාවාරම් ජාලයකට සම්බන්ධ බවට චෝදනා එල්ල වී ඇති බව වාර්තා පෙන්වා දෙයි.
