පොඩිලැසී,රොටුඹ අමිල, වැලිඔය ප්‍රියන්ත, මිදිගම චූටි යන ඉන්දියාව, රුසියාව, ඩුබායි සහ ඕමාන්වල මේ වන විට අත්අඩංගුවේ සිටින පාතාලයේ ප්‍රබල මත්කුඩු ජාවාරම්කරුවන් සිව් දෙනා මෙරටට ගෙන්වා ගැනීමට රාජ්‍ය තාන්ත්‍රික මෙහෙයුම් ක්‍රියාත්මක කර ඇති බව වාර්තා වෙයි.
පසුගිය ජනවාරි මාසයේදී ඉන්දියාවේ මුම්බායි හීදී අත්අඩංගුවට පොඩි ලැසීට එරෙහිව එරට ආගමන විගමන නීතිය යටතේ මේ වන විට නඩුවක් පවතින බැවින් ඔහුව මෙරටට ගෙන්වා ගැනීමට නොහැකි වී ඇතැයි සඳහන්.
රුසියානු අත්අඩංගුවේ සිටින්නේ රොටුඹ අමිලයි. ඔහු සම්බන්ධයෙන්ද එරට අධිකරණයේ නඩුවක් පවතින බව සඳහන්. ඔහුව අත්අඩංගුවට ගෙන ඇත්තේ ඉකුත් මාර්තු මාසයේදීය.
මිදිගම රුවන් අත්අඩංගුවට ගෙන ඇත්තේ ඕමානයේදී වන අතර වැලිඔය ප්‍රියන්ත ඩුබායි හීදී අත්අඩංගුවට ගෙන ඇත.
මේ වන විට ඔවුන්ව මෙරටට ගෙන්වා ගැනීමට අවශ්‍ය මැදිහත්වීම් රාජ්‍ය තාන්ත්‍රිකව සිදුවෙමින් පවතින බව පැවසෙයි.
මෙයට පෙර අවස්ථා ගණනාවකදීම ඩුබායි හා මැදපෙරදිග කලාපයේ රටවලදී අත්අඩංගුවට ගත් මෙරට පාතාලයේ අපරාධකරුවන් එම රටවලින් නිදහස ලබා ඇතැයිද සඳහන් වේ.
ඇල්ටෝ ධර්මේ, ලලිත් කන්නන්ගර ද ඒ අය අතර සිටියි.
ප්‍රංශයේදී රත්මලානේ කුඩු අංජු අත්අඩංගුවට ගත්තද ඔහුව මෙරටට භාරදුන්නේ නැත. මේ වන විට ඔහු එරට දේශපාලන රැකවරණය ලබා සිටිනවා.
කංජිපානි ඉම්රාන් සහ රූබන් සිටින්නේ යැයි සඳහන් වන්නේ ප්‍රංශයේය.
ඩුබායි හී කාලයක් රැදී සිටි ප්‍රබල පාතාල අපරාධකරුවන් බොහෝ දෙනෙක් මේ වන විට එංගලන්තය, ප්‍රංශය, රුසියාව, ඉතාලිය, ඔස්ට්‍රියාව ආදී යුරෝපීය රටවලට සංක්‍රමණය වී ඇති බව සඳහන්.
රත්ගම විදුර , කොස්ගොඩ සුජී , කුඩු ලාල් , අන්නාසි මොරිල්, මොහොමඩ් සිද්ධික් වැනි මත්කුඩු ජාවාරමේ නිරත ප්‍රබල පාතාල අපරාධකරුවන් රැසක්ම මේ වන විට සිටින්නේ යුරෝපීය රටවලයි.
