රථ වාහන අනතුරු වළක්වා ගැනීම සඳහා රියැදුරන් නිරීක්ෂණය කළ හැකි AI තාක්ෂණික පද්ධති ලංගම සහ පෞද්ගලික දුර ගමන් සේවා බස් රථ සඳහා හඳුන්වා දීමට පියවර ගන්නා බව ප්‍රවාහන, මහාමර්ග, සිවිල් ගුවන් සේවා අමාත්‍ය බිමල් රත්නායක පවසයි.
ඔහු මේ බව පැවසුවේ, රම්බොඩ, ගැරඩිඇල්ල ප්‍රදේශයේදී සිදුවූ බස් අනතුර සම්බන්ධයෙන් පසුගිය දා කරුණු පැහැදිලි කරමින් එම අමාත්‍යංශයේදී පැවති මාධ්‍ය හමුවේදී ය.
ඉදිරියේදී මගී ප්‍රවාහනයට අවසර ලැබෙන්නේ AI වැනි තාක්ෂණික පහසුකම් සහිත බස් රථවලට පමණක් බව අමාත්‍යවරයා සඳහන් කළේ ය.
ඔහු වැඩිදුරට ත් සඳහන් කළේ, මෙම තාක්ෂණික ක්‍රමවේදය බර වාහන සහ දුම්රිය සේවය සඳහා ද හඳුන්වා දීමට කටයුතු කරන බව ත් එමෙන් ම දුර සේවා රියැදුරන්ට විවේක ගැනීමට ඇති ස්ථාන නවීකරණය කර සකස් කිරීමට කටයුතු කරන බව ත් ය.
( mawbima | Anura Balasooriya)
