මෙරටින් ගිය නිලධාරීන්ගේ වැරදි හේතුවෙන් ශ්‍රී ලාංකික ක්‍රීඩිකාවන් දෙදෙනෙකුට 2025 ආසියානු යොවුන් මලල ක්‍රීඩා ශූරතාවලියට තරඟ කිරීමට තිබූ අවස්ථාව අහිමි වී තිබේ.
සිද්ධිය සම්බන්ධයෙන් කනගාටුව පළ කරන එම ක්‍රීඩිකාවන් දෙදෙනා මේ හේතුවෙන් ක්‍රීඩාව අත්හැරීමට සිතී ඇති බව කියා සිටිති.
නිදුකි ප්‍රාර්ථනා සහ අයේෂා සෙව්වන්දි වයස අවුරුදු 18න් පහළ කාන්තා මීටර් 1500 ඉසව්වට තරඟ කිරීමට නියමිතව සිටියද, සහායක නිලධාරීන්ගේ වරදක් හේතුවෙන් ඉසව්ව සඳහා දුන් පළමු ඇමතුමට නියමිත වේලාවට වාර්තා කිරීමට අපොහොසත් වී තිබේ.
මෙම වරද නිසා තරුණ ක්‍රීඩිකාවන් දෙදෙනා එම ඉසව්වෙන් ඉවත් කෙරිණි.
ඔවුන් ශ්‍රී ලංකාව වෙනුවෙන් රන් හා රිදී පදක්කම් ලබා ගැනීමට අවස්ථාවක් තිබු ක්‍රීඩිකාවන් දෙදෙනෙකි.
ශ්‍රී ලංකාවට ආපසු පැමිණි පසු, ක්‍රීඩිකාවන් දෙදෙනා මෙම සිද්ධිය සම්බන්ධයෙන් ඔවුන්ගේ කලකිරීම ප්‍රකාශ කළහ.
“අපි ශ්‍රී ලංකා නිලධාරීන්ගෙන් විමසූ විට, ඔවුන් පැවසුවේ පළමු ඇමතුම 6.20ට බවයි. නමුත් එය 6.10ට තිබිලා. අපි ස්ථානයට පැමිණි විට, ඔවුන් අපට දැනුම් දුන්නේ අපි ඇමතුම සඳහා වාර්තා කර නොමැති බැවින් අපට සහභාගී විය නොහැකි බවයි. මෙය අපගේ පළමු සංචාරය. අපිට දැන් එපා වෙලා ඉන්නේ ක්‍රීඩා කරන්නත් අපට අවශ්‍ය නැහැ කියලයි හිතෙන්නේ,” යනුවෙන් ඔවුන් වාර්තාකරුවන් ප්‍රකාශ කර තිබේ.
මෙම අක්‍රමිකතා තිබියදීත්, සෞදි අරාබියේ පැවති 2025 ආසියානු යෞවන මලල ක්‍රීඩා ශූරතාවලියේදී ශ්‍රී ලංකාවට රන් පදක්කම් 01 ක්, රිදී පදක්කම් 03 ක් සහ ලෝකඩ පදක්කම් 04ක් දිනා ගැනීමට හැකි විය.
