ඇය තරුණ තරුණියන්ගේ අනාගතය වෙනුවෙන් විශාල මෙහෙවරක් සිදුකරන කාන්තාවක්..
මොකද්ද මේ විශේෂ දවස.. ඒ මොහොතේ සිදුවුණේ කුමක්ද..? මේ කියන්න යන්නේ අන්න ඒ ගැන ඇසෙන තවත් එක කතාවක්.. සහකම්පනයෙන් යුතු බුද්ධිමත් තාරුණ්‍යක් බිහි කිරීම වර්තමානයේ දැඩි අවශ්‍යතාවයක් බව අග්‍රාමාත්‍ය ආචාර්ය හරිනි අමරසූරිය පවසනවා...
පෙරේදා පස්වරුවේ අරලියගහ මන්දිරයේ පැවති 44 වැනි ජාතික යෞවන සම්මාන උළෙලට එක් වෙමින් අග්‍රාමාත්‍යවරිය මේ බව සඳහන් කළා... තරුණ කටයුතු හා ක්‍රීඩා අමාත්‍යංශය , ජාතික තරුණ සේවා සභාව හා ශ්‍රී ලංකා යෞවන සමාජ සම්මේලනය එක්ව සංවිධානය කළ ජාතික යෞවන සම්මාන උළෙල පැවැත් වුණා...
ඒ අග්‍රාමාත්‍ය ආචාර්ය හරිනි අමරසූරිය මෙනවියගේ ප්‍රධානත්වයෙන්... මෙහිදී නර්තන, චිත්‍ර , රචනා, නිවේදන ඇතුලු අංශ 91ක් යටතේ ජයග්‍රාහක ජයග්‍රාහිකාවන් 160 දෙනෙකු සම්මානයට පාත්‍ර වුණා...
මේ අතර පෙරේදා දිනයට යෙදී තිබුණු අග්‍රාමාත්‍යවරියගේ උපන් දිනයට පැමිණි සිටි තරුණ තරුණියන් සුභපැතුම් රැසක් ලැබුණා... එහිදී යාපනයේ දමිළ තරුණියක් විසින් අග්‍රාමාත්‍යවරියට සමරු තිළිණයක් ලබාදුන්නා...
