කොවිඩ් වෛරසය ලෝකයට මුදා හළ බවට චෝදනා එල්ල වී ඇති චීනයේ වුහාන් වෛරස් විද්‍යා ආයතනයේ පර්යේෂකයන් විසින් වවුලන් තුළ නව කොවිඩ් වෛරසයක් ඇති බවට සොයාගෙන ඇත.
මෙම නව වෛරසය HKU5-CoV-2 ලෙස නම් කර ඇති අතර එය සතුන්ගෙන් මිනිසාට සම්ප්‍රේෂණය වීමේ හැකියාව ඇති බවත් මෙතෙක් මිනිසුන් තුළ කිසිදු ආසාදනයක් වාර්තා වී නොමැති බවත් මෙම වෛරසය 2020 වසංගතයට සමීපව සමාන බව අධ්‍යයනයකින් හෙළිව ඇත.
HKU5-CoV-2 යනු මර්බෙකෝ වෛරස උප කුලයට අයත් කොවිඩ් වෛරසයක් වන අතර එයට මැද පෙරදිග ශ්වසන සින්ඩ්‍රෝමය (MERS) ඇති කරන වෛරසය ද ඇතුළත් වේ. නව වෛරසය මිනිස් ACE2 සමඟ බන්ධනය විය හැකි බව විද්‍යාඥයින් සොයා ගත් අතර එය SARS-CoV-2 සහ NL63 (සාමාන්‍ය සෙම්ප්‍රතිශ්‍යා වෛරසයක්) හා සමාන වේ.
අධ්‍යයනයෙන් හෙළිව ඇත්තේ, වවුලන් වෛරසය මිනිසුන් තුළ සහ අනෙකුත් ක්ෂීරපායින් තුළ ඇති ප්‍රෝටීන සමඟ බන්ධනය විය හැකි බවත් එය සෘජු සම්බන්ධතා හරහා ඔටුවන්ගෙන් මිනිසුන්ට පැතිර යා හැකි දරුණු රෝගයක් බවද සදහන් කරයි.
සොයාගත් HKU5-CoV-2 නම් නව වෛරසය මිනිසුන්ට ආසාදනය වීමේ හැකියාව ඇතත්, සතුන්ගෙන් මිනිසාට සම්ප්‍රේෂණය වීම පිළිබඳ වැඩිදුර තොරතුරු තවමත් විමර්ශනය කර නොමැති බව පර්යේෂකයන් සදහන් කරයි.
