සමාජ මාධ්ය ජාලා හරහා නිකුත් වන ව්යාජ කෙටි පණිවුඩ වෙත සිය පෞද්ගලික තොරතුරු ලබාදීමෙන් වළකින ලෙස විදුලි සංදේශ නියාමන කොමිෂන් සභාව ජනතාවට දැනුම්දීමක් කරයි.
ජනාධිපතිවරයා විසින් දිළිඳු පවුල් සදහා රුපියල් 50,000ක ආධාර මුදලක් ලබාදෙන බවට සදහන් කරමින් සමාජ මාධ්ය ඔස්සේ ව්යාජ කෙටි පණිවුඩ නිකුත් කිරීමක් සම්බන්ධයෙන් පැමිණිලි ලැබෙමින් පවතින බවද එම කොමිෂන් සභාව සදහන් කරයි.
විදුලි සංදේශ නියාමන කොමිෂන් සභාවේ අධ්යක්ෂ මේනකා පතිරණ සදහන් කළේ,
“විදුලි සංදේශ නියාමන කොමිෂන් සභාවට, ව්යාජ කෙටි පණිවුඩ සම්බන්ධයෙන් විශාල වශයෙන් පැමිණිලි ලැබෙමින් පවතිනවා. ජනාධිපතිතුමා විසින් දුප්පත් පවුල් සදහා රු 50,000ක ආධාර මුදලක් ලබාදෙන බවට පණිවුඩයක් සමාජ මාධ්ය ජාලා හරහා ඉතාමත් වේගයෙන් සංසරණය වෙනවා.
මේ සබැඳියන් ඔස්සේ සම්බන්ධ වීමෙන් වැළකී සිටින ලෙස ජනතාවගෙන් ඉල්ලා සිටිනවා. මේ සබැඳියන් අවහිර කිරීමට අවශ්ය කටයුතු දැනටමත් අප යොදා තිබෙනවා. මේවා ව්යාජ සබැඳියන් වෙනවා.
මේවා ඔස්සේ ඔබගේ පෞද්ගලික තොරතුරු ලබා දුනහොත් ඔබගේ බැංකු ගිණුම්වලට අනවසර ප්රවිෂ්ටයන් වීම, ඊමේල් ගිණුම් වලට තුන්වන පාර්ශ්වයක් ඇතුළුවීමෙන් බොහෝ කරදර සිදුවිය හැකියි. එනිසා පෞද්ගලික තොරතුරු ලබා නොදෙන ලෙස විදුලි සංදේශ නියාමන කොමිෂන් සභාව ඉල්ලා සිටිනවා.”