පාර්ලිමේන්තුවේ රූමත් සේවිකාවන්ට සිදුවන්නේ යැයි කියන ලිංගික හිරිහැර සම්බන්ධයෙන් වහාම විමර්ශනයක් පැවැත්වීමට පාර්ලිමේන්තුවේ නියෝජ්ය මහ ලේකම් සහ කාර්ය මණ්ඩල ප්රධානී නීතිඥ චමින්ද කුලරත්න විසින් කමිටුවක් පත් කර ඇත.
පාර්ලිමේන්තුවේ පරිපාලන කටයුතු බාර අධ්යක්ෂිකා ඉන්දිරා දිසානායක මෙම කමිටුවේ සභාපතිනිය ලෙස කටයුතු කරයි.
තොරතුරු පද්ධති සහ කළමනාකරණ දෙපාර්තමේන්තුවේ සේවිකාවන්ගෙන් පෙරේදා (08) දින ප්රශ්න කර කට උත්තර සටහන් කරගෙන ඇති අතර සේවිකාවක් තමාට ලිංගික වශයෙන් අඩන්තේට්ටම් සිදුවූ බවට පැහැදිලිවම කරුණු අනාවරණය කර ඇති බව වාර්තා වේ.
මේ අතර පාර්ලිමේන්තුවේ ගෘහ පාලන දෙපාර්තමේන්තුවේ ඇතැම් රූමත් සේවිකාවන්ට සිදුවී ඇතැයි කියන ලිංගික හිරිහැර සම්බන්ධව හිටපු විනිසුරු කුසලා සරෝජනී වීරවර්ධනගේ ප්රධානත්වයෙන් පැවැත්වුණු විමර්ශනයද අවසන් කර එහි වාර්තාව බාරදී ඇති බව වාර්තා වේ.
ඉදිරිපත් කර ඇති නිර්දේශ අනුව පාර්ලිමේන්තු ප්රධානීන් විසින් එම සිද්ධියට චෝදනා ලැබූ ප්රධානියා ඇතුළු තිදෙනා සම්බන්ධයෙන් සුදුසු ක්රියාමාර්ගයක් ගැනීමට නියමිත බව වාර්තා වේ.
