30 වන දින රාත්‍රී කාලයේ හිනිඳුම පොලිස් වසමේ මහාබෝධිවත්ත ප්‍රදේශයේ නවාතැන්පොලකට යතුරුපැදියකින් පැමිණි නාඳුනන පුද්ගලයින් දෙදෙනෙකු විසින් නවාතැන්පොලේ හිමිකරු ඇතුලු තවත් පුද්ගලයින් දෙදෙනෙකුට වෙඩි තබා පලාගොස් ඇති බවට හිනිඳුම පොලිස් ස්ථානයට ලද පණිවිඩයක් මත විර්මශන ආරම්භ කර ඇති අතර වෙඩි වැදුණු පුද්ගලයින් තිදෙනා එම ස්ථානයේදීම මියගොස් ඇත.
මියගිය නවාතැන්පොලේ හිමිකරු වයස අවුරුදු 55 ක් වූ මහාබෝධිවත්ත, පනංගල ප්‍රදේශයේ පදිංචිකරුවෙකු වන අතර අනෙක් මරණකරුවන් දෙදෙනා හිනිඳුම හා අම්බලන්ගොඩ ප්‍රදේශවල පදිංචිකරුවන් වේ.
වෙඩි තැබීමට හේතුව මෙතෙක් අනාවරණය වී නොමැති අතර සැකකරුවන් අත්අඩංගුවට ගැනීම සඳහා හිනිඳුම පොලීසිය වැඩිදුර විර්මශන සිදුකරනු ලබයි.
