රට පුරා ලියාපදිංචි නොවූ ඔසුසල් 3000 කට ආසන්න ප්‍රමාණයක් ඇතැයි ජාතික ඖෂධ නියාමන අධිකාරියේ සභාපති, විශේෂඥ වෛද්‍ය ආනන්ද අබේවික්‍රම සදහන් කරයි.
ඖෂධ ශාලා 5000කට ආසන්න ප්‍රමාණයක් රට පුරා ඇති බවත් එයින් 2000ක් ලියාපදිංචි කොට පවත්වා ගෙන යන ඒවා බවද සභාපති, විශේෂඥ වෛද්‍ය ආනන්ද අබේවික්‍රම සදහන් කරයි.
බරපතළ චෝදනාවන්ට ලක් වූ ඔසුසල් 60ක බලපත්‍ර මේ වසරේ ගත වූ කාලය තුළ තහනම් කළ බවත් ඔසුසලකට එරෙහිව චෝදනාවක් නැගුණු වහා එහි බලපත්‍රය තහනම් නොකරන බවද සභාපතිවරයා සදහන් කරයි.
පළමු පියවර ලෙස නඩු මගට බසින බවත් එහිදී ලැබෙන තීන්දුව අනුව දඩ මුදල් ගෙවීමට හා භාෂා 3 න්ම සමාව ගැනීමේ පුවත්පත් නිවේදන පළ කිරීමට ඔසුසල් හිමියාට සිදුවන බවද සභාපතිවරයා සදහන් කරයි.
එම ඖෂධ ශාලා හිමියන් සිදුකරන බරපතළම වරද ඖෂධවේදියකු නැතිව ඔසුසල් පවත්වාගෙන යෑම බවද සභාපතිවරයා තවදුරටත් සදහන් කරයි.
රජයේ ප්‍රවෘත්ති දෙපාර්තමේන්තුවේ පසුගියදා පැවැති මාධ්‍ය හමුවක් අමතමින් ජාතික ඖෂධ නියාමන අධිකාරියේ සභාපතිවරයා මේ බව සදහන් කරයි.
