අද (29) දිනයේ කොටුව මහේස්ත්‍රාත් අධිකරණයේ විභාග කෙරෙන නඩුවක් සඳහා රක්ෂිත බන්ධනාගාර ගත කර සිටින හිටපු රාජ්‍ය අමාත්‍ය ශෂීන්ද්‍ර රාජපක්ෂ රැගෙනවිත් ඇත.
ඒ අනුව පොදුජන පෙරමුණ හිටපු පාර්ලිමේන්තු මන්ත්‍රී, හිටපු කථානායක චමල් රාජපක්ෂ අද (29) දිනයේ කොටුව මහේස්ත්‍රාත් අධිකරණය පරිශ්‍රය වෙත පැමිණ ඇත.
තවද පාර්ලිමේන්තු මන්ත්‍රී නාමල් රාජපක්ෂ සහ චාමර සම්පත් ද කොටුව මහේස්ත්‍රාත් අධිකරණය පරිශ්‍රය වෙත පැමිණ ඇත.
අරගලකරුවන් විසින් මහවැලි ඉඩමක ඉදිකර තිබූ සිය දේශපාලන කාර්යාලය ගිනි තබා විනාශ කිරීම හේතුවෙන් නීතියට පටහැනි ලෙස රුපියල් 8,850,000/-ක මුදලක් වන්දි වශයෙන් ලබා ගැනීම තුළින් දූෂණ විරෝධී පනත යටතේ “දූෂණය” නමැති වරද සිදුකළ බවට චෝදනා කරමින් හිටපු රාජ්‍ය අමාත්‍ය ශෂීන්ද්‍ර රාජපක්ෂ අල්ලස් කොමිසම විසින් අත්අඩංගුවට ගෙන රක්ෂිත බන්ධනාගාර ගතකර කළේය.
