සුළු මොහොහොතකට පෙර 2026 ශිෂ්‍යත්ව විභාගයේ ප්‍රතිඵල නිකුත් කෙරේ!

2026 වසරේ 5 ශ්‍රේණිය ශිෂ්‍යත්ව විභාගයේ ප්‍රතිඵල අන්තර්ජාලයට නිකුත් කර ඇති බව විභාග කොමසාරිස් ජනරාල්වරයා නිවේදනය කර තිබේ.

ඒ අනුව, විභාග ප්‍රතිඵල විභාග දෙපාර්තමේන්තුවේ නිල වෙබ් අඩවිය වන www.doenets.lk වෙත පිවිසීමෙන් ලබාගත හැකිය.

මෙවර 5 ශ්‍රේණිය ශිෂ්‍යත්ව විභාගය අගෝස්තු 9 වනදා දිවයින පුරා විභාග මධ්‍යස්ථාන 2,723කදී පැවැත්විණි.

විභාගය සඳහා සිසුන් 294,089 දෙනෙකු පෙනී සිට ඇති අතර, ඉන් සිංහල මාධ්‍යයෙන් සිසුන් 220,366 දෙනෙකු සහ දෙමළ මාධ්‍යයෙන් සිසුන් 73,723 දෙනෙකු විභාගයට පෙනී සිට තිබේ.

වරාය නගරයේ චීන ජාතිකයාගේ ඝාතනය සීගිරියේ සැඟවී සිටි චීන ජාතිකයින් දෙදෙනෙක් පොලිස් අත්අඩංගුවට!

කොළඹ වරාය නගර පරිශ්‍රයේදී චීන ජාතිකයෙකු පැහැරගෙන ගොස් ඝාතනය කිරීමේ සිද්ධිය සම්බන්ධයෙන් අත්අඩංගුවට ගැනීමට අවශ්‍යව සිටි තවත් චීන ජාතිකයින් දෙදෙනෙකු කොළඹ අපරාධ කොට්ඨාසය විසින් සීගිරිය ප්‍රදේශයේදී අත්අඩංගුවට ගෙන තිබේ.

අධිබලැති විදුලි සැර වැදී කැ ගසමින් සිටි පාසැල් සිසුන් දෙදෙනෙක් බේරාගනී

වටවල පොලිස් වසමට අයත් කුයිල්වත්තේ ගසක දර කැපීමට ගිය පාසල් සිසුන් දෙදෙනෙකුට අධිබලැති විදුලි සැර වැදී කැ ගසමින් සිටියදී වටවල පොලිසියේ නිළධාරින් විසින් ක්ෂණිකව ක්‍රියාත්මක වී එම සිසුන් දෙදෙනා ඉන් මුදා ගෙන වටවල ප්‍රාදේශීය රෝහලට ඇතුලත් කර ඇත.

රුමේෂ් තරංග Zurich දියමන්ති ලීග් හෙල්ල විසිකිරීමේ ශූරතාව දිනා ගනී... මීටර් 92.07ක විශිෂ්ට දස්කමක්!

ශ්‍රී ලංකාවේ රුමේෂ් තරංග පතිරගේ, සූරිච් (Zurich) දියමන්ති ලීග් මලල ක්‍රීඩා තරගාවලියේ පිරිමි හෙල්ල විසිකිරීමේ (Javelin Throw) ඉසව්වේ ප්‍රථම ස්ථානය දිනා ගැනීමට සමත්ව තිබේ. එහිදී ඔහු මීටර් 92.07ක දුරක් වාර්තා කරමින් මෙම විශිෂ්ට ජයග්‍රහණය අත්කර ගත්තේය.

මීරිගම පොළ භූමියේදී පස් හැවිරිදි දැරියක් පැහැරගැනීමට තැත් කළ පුද්ගලයෙක් ප්‍රදේශවාසීන් අල්ලයි

ඊයේ (අගෝස්තු 22) පස්වරු 5:00 ට පමණ, පස් හැවිරිදි බාලවයස්කාර දැරියක් පැහැරගෙන යාමට උත්සාහ කළ පුද්ගලයෙකු ප්‍රදේශවාසීන් විසින් අල්ලා මීරිගම පොලිස් භූමිය වෙත රැගෙන ගොස් පොලිසියට භාර දී තිබේ.

අද ඇයගේ නිසල දේහය අසල තනි වී....කුමක් සිතනු ඇති ද? - සුනිල් ආරියරත්නයන් නන්දා මාලනියට දුන් අවසන් සමු ගැනීම (VIDEO)

ශ්‍රී ලාංකේය සංගීත ක්ෂේත්‍රය සිය මියුරු හඬින් අමරණීය කළ, ‘ජාතියේ යශෝරාවය’ ලෙසින් මුළු රටේම අප්‍රමාණ ගෞරව ආදරයට පාත්‍ර වූ ප්‍රවීණ ගායන ශිල්පිනී, ආචාර්ය නන්දා මාලනියන්ගේ අභාවය මුළු මහත් දැයම දැඩි ශෝකයට පත් කර තිබෙනවා.

සියළුම රාජ්‍ය ආයතනවල ජාතික කොඩිය අඩකුඹු කරන ලෙස රජය දැනුම් දෙයි

ප්‍රවීණ සංගීතවේදිනී, විශාරද නන්දා මාලනී මහත්මියගේ අභාවය හේතුවෙන් ප්‍රකාශයට පත් කර ඇති තෙදින ජාතික ශෝක කාලය තුළ සියලුම රාජ්‍ය ආයතනවල ජාතික කොඩිය අඩකුඹු කර තැබීමට කටයුතු කරන ලෙස රාජ්‍ය පරිපාලන, පළාත් සභා සහ පළාත් පාලන අමාත්‍යාංශය දැනුම් දී තිබේ.